يلعنـك يـوم ٍ فيـه حـنـا التقيـنـا
ويلعنك حـب ٍ يسقـي المـر راعيـه
ويلعنـك حـظ ٍ سـاد ظلمـه عليـنـا
ويالعنبـو الفـراق لاابـو طـواريـه
معقـول فـي لحظـه انهـدم مابنينـا
وانهد صـرح ٍ شامـخ سنيـن نبنيـه
ولاعـاد بـه حـل ٍ تطـولـه يديـنـا
لا فـي يـدي حيلـه ولا فـي اياديـه
ضاقت من الاحسـاء الـى حـد سينـا
عياء زمانـي لا يجـي مثـل ماابيـه
وحل الفـراق مـن دون ذنـب جنينـا
وحبـي وحبـه حـان للوقـت ينهيـه
ليت الزمـان يحـس .. ويحـس فينـا
ويـذوق بالفرقـاء وش اللـي نعانيـه
أي والله إنــا بالمـفـارق بكـيـنـا
وببكي وببكـي وكـل لحظـه اببكيـه
وراحت .. وانا والموت .. والله استوينا
وعقبه حلفت الحزن .. والله .. لااخاويه
ودمـع ٍ ملكتـه مـن قديـم السنينـا
لاازريه لين يجـف وارويـه وازريـه
ولك يازمن .. وعـد اطربـك بالونينـا
وشوقك لتعذيب البشر .. عهد لاارويـه
بس لي طلـب واحـد وسجلـه دينـا
شخص ٍ هويته ارجووك ماجـاه يكفيـه
ومراكب احزانـك لهـا الصـدر مينـا
ونـزل بضاعـات الالـم فـي موانيـه
ولاني براجـي منـك عطـف ٍ ولينـا
هـذا انـا ... وسـو بـي ماتسويـه