يزيد الوله واشفق على شوفتك واشتاق
ويفز الخفوق ويحترك كل مافيني ..
وشي يتل القلب قوه من الاعماق
اذا مر اسمك او تشوف الاسم عيني..
غيابك حبيبي صعب عندي ولاينطاق
دخيلك حياتي ردلي لاتجافيني ..
مضى الوقت منا عايشينه عنى وفراق
متى الحظ يعدل يبتسم بينك وبيني ..
يضيع العمر ضلمى عسى ينجلي بشراق
متى يهتني قلبي متى الغيث يرويني ..
يجينا خريف العمر كن السنين اوراق
يعدي الربيع ولفحة القيض تشقيني ..
وبرد الشتى قارص شمالي علي ينساق
انا وين ابلقى لي حنان يدفيني ..
خبرتك حنون وبالتعامل حلو .. ذواق
ولافي غيرك ينعش الروح يشفيني ..
اذا اقبلت مثل النور ضي القمر براق
واذا غبت توحشني والاحزان تغثيني ..
حبيبي انا بالي ابد ماهدى او راق
خيالك معي دايم رفيقي يباريني ..
وباقي مع الايام فيني وله واشواق
وعندي امل قلبك يحن وتلاقيني ..
................................
ابي ردودكم لاتنسوني
الخميس يونيو 12, 2008 9:02 am
