اذا انك صادق بقولك تفضل برهنـه بافعـال
وتوكل واجتنب دربـي وفارقنـي وهوينـي
حبيبي ما نوى قلبي فراقك قبل هـذا الحـال
طلبتـك خلهـا منّـك وعاندنـي وخلينـي
واذا انك ناوي ٍ هجري وفعلاً صامل ورجال
لاتطري ببالـك طيوفـي ولامـره تنادينـي
انا اتحداك واتحدى خفوقك مهما بعدك طـال
تناسى طيبتي واني لاجل عينك ضوت عيني
وتنكر كم غفر قلبي وشال بداخلـه اهـوال
وصاغك بسمه بثغـري ملامحهـا تبكينـي
وليل الهم والغربه ومكر الطفـل والدجـال
وبرد النار في جوفـك تعانقنـي وتنهينـي
انا لك ديمة ٍ بلت عجاف الحـال والاحـوال
الين اخضرت ايامك وقوى عودك على يديني
وجزى المعروف يادنيا على خدي مثل مانقال
سبع كفوف مغروزه تزلـزل كـل مافينـي
ورغم احساسي بظلمك وميزان العدل لك مال
حشا مابطري الفرقى ولا اطالبك في دينـي
واذا جاني الخطا منّك رميت بناظريني رمال
ماهو والله ضعف مني ولكن حلمي ودينـي
تعبت ارد زلاتك ورود وزهرتيـن وصـال
الين اجدبت في قربك ولافكـرت تروينـي
ابدفع بالتي احسن بقايـا الضيـم والغربـال
ولاتطرف بك عيوني ولا اترجا بك سنينـي
هذا لاني كريمة اصل وقلبي صامل ومازال
يعدّي ماحصـل منـك اذا ودّك تراضينـي
واذا انك ناوي ٍ هجري وفعلاً صادق ورجال
توكل واجتنب دربـي وفارقنـي وهوينـي
مع تحياتي .............. الامبراطور ##
الأحد يونيو 22, 2008 11:11 am
